Թուրքիան հայտարարել է, որ ԱՄՆ պատժամիջոցները չեն ազդի Ռուսաստանի հետ համաձայնագրի վրա

ԱՄՆ պատժամիջոցները չեն ազդի Թուրքիայի և Ռուսաստանի միջև Ս-400 հակաօդային պաշտպանության համակարգերի մատակարարման վերաբերյալ համաձայնագրերի վրա և չեն վնասի Անկարային. հայտարարել է Թուրքիայի ռազմարդյունաբերական վարչության ղեկավար Իսմայիլ Դեմիրը, որի նկատմամբ, գլխավորապես, կիրառվել են պատժամիջոցները։

«Պատժամիջոցները չեն ազդում որևէ բանի վրա, բացառությամբ այն մարդկանց և գերատեսչությունների, որոնց դեմ ընդունվել են: Դրանք չեն ազդում նաև ավելի վաղ կնքված համաձայնագրերի վրա: Մենք չենք կարծում, որ պատժամիջոցները վնաս կհասցնեն կամ կթուլացնեն մեր զինված ուժերը և անվտանգության ուժերը», - ասել է Դեմիրը A Haber հեռուստաալիքին տված հարցազրույցում:

Նա հավելել է, որ պատժամիջոցների կիրառումից հետո Թուրքիան «կրկնակի ջանք կգործադրի իր պաշտպանական արդյունաբերությունն ուժեղացնող նախագծերն իրականացնելու վրա»: