Իրանի գլխավոր շտաբը հայտարարել է Մոսկվայից կործանիչներ գնելու վերաբերյալ բանակցությունների մասին

Իրանի զինված ուժերի գլխավոր շտաբի պետ Մոհամմադ Բաղերին երկուշաբթի օրը հայտարարել է Մոսկվայի հետ ռուսական կործանիչներ և ուղղաթիռներ գնելու շուրջ բանակցությունների մասին:

Բաղերիի` Մոսկվա ժամանելու նախօրեին հաղորդվել է, որ նա մտադիր է ՌԴ պաշտպանության նախարար Սերգեյ Շոյգուի հետ քննարկել Աֆղանստանում տեղի ունեցող վերջին իրադարձությունները, ինչպես նաև ռուսական զենքի գնման համաձայնագրի ստորագրումը:

«Այժմ մենք բանակցություններ ենք վարում (Մոսկվայի հետ) ռուսական կործանիչներ և ուղղաթիռներ գնելու ուղղությամբ պայմանավորվածությունների իրականացման վերաբերյալ», - Բաղերիի խոսքը մեջբերում է Fars գործակալությունը:

Նա նշել է, որ համաձայնագրերը կստորագրվեն ՄԱԿ-ի` Իրան զենքի արտահանման էմբարգոյի ավարտից հետո: