Թուրքիայի և Ուկրաինայի ռազմարդյունաբերական համալիրն աշխատում է Արցախի դեմ Ադրբեջանի ագրեսիայի համար

Ուկրաինան մարդասիրական օգնության անվան տակ զենիթահրթիռային համակարգեր է մատակարարում Ադրբեջանին. այս մասին գրում է «ԻԱ Ռեալիստ»–ը՝ հղում անելով թելեգրամյան ալիքներին:

«Այնուամենայնիվ, խնդիրն այստեղ շատ ավելի խորն է: Թուրքական հետախուզությունը իր տարածք է տանում ուկրաինացի զինագործներին՝ նոր տեսակի զենքերի ստեղծման ուղղությամբ աշխատանքներ տանելու համար», - ասում են Մերձավոր Արևելքում ռուսական լրատվամիջոցի  աղբյուրները:

«Այսինքն այստեղ ավելին է, քան պարզապես զենքի նպատակային մատակարարումը: Ընդդեմ Արցախի և Հայաստանի՝ աշխատում է թուրք-ուկրաինական սպառազինությունների կոնգլոմերատը, որոնք երբեք չեն հաշտվի Ղրիմի թերակղզու՝ ռուսական ինքնիշխանության հետ և երբեք չեն հաշտվի անկախ Արցախի հետ: Սա մտածելու լուրջ առիթ է: Չնայած ոչ, ոչ այդպես։ Սա գործելու լուրջ պատճառ է: Խորհելու ժամանակն անցել է», – գրում է «ԻԱ»–ն։