Ջավախքն Արցախի հետ է. խոշոր ցույց` Ախալքալաքում

Այս պահին Ախալքալաքի կենտրոնական մարզադաշտում խաղաղ հավաք է անցկացվում` ի զորակցություն Արցախի ու հայ զինվորի՝ «Ջավախքն Արցախի կողքին է» կարգախոսով. հայտնում է Jnews.ge-ն։

Մի քանի հազար մարդ է հավաքվել մարզադաշտում: Պաստառներին Հայաստանում բնակվող` Ջավախքից 5 զինվորների լուսանկարներն են, որոնք զոհվել են ԼՂ մարտերում։ 

Ակցիայի կազմակերպիչները ցանկանում են ամփոփել դրամահավաքի և այլ նյութական օգնության արդյունքները, որոնք Ախալքալաքում տեղի են ունենում արդեն մեկ շաբաթ: Նշվում է, որ դրանից հետո ևս հավաքագրումը կշարունակվի:

Ակցիայից հետո մասնակիցները երթով կմեկնեն դեպի Սուրբ Խաչ եկեղեցի, որտեղ տեղի կունենա ընդհանուր աղոթք և մոմավառություն: