Ամերիկացի գիտնականները կորոնավիրուսը 100 տոկոսով արգելափակող հակամարմիններ են հայտնաբերել

Ամերիկյան Sorrento Therapeutics կենսաբազմազանության ընկերության գիտնականները հայտնաբերել են հակամարմիններ, որոնք, 100 տոկոսով արգելափակում են կորոնավիրուսը: Այս մասին գրում է Lenta.ru-ն՝ հղում անելով Fox News-ին։

Աղբյուրի տեղեկություններով՝ մասնագետները վերլուծել են միլիարդավոր հակամարմիններ, որոնց թվում հայտնաբերել են կորոնավիրուսի վրա ազդելու ունակ հարյուրավորների: Դրանից հետո գիտնականները առանձնացրել են տասնյակ հակամարմիններ, իսկ հետագա ուսումնասիրությունը ցույց է տվել, որ դրանցից մեկը՝ STI -1499-ը, կարող է 100 տոկոսով պաշտպանել մարդու բջիջները վարակից:

Նշվում է, որ այն կլանում է վիրուսը եւ դուրս է բերում օրգանիզմից չորս օրվա ընթացքում: Առայժմ փորձարկումներն անցկացվել են միայն լաբորատոր պայմաններում, ուստի ընկերությունը դեռ չի ստացել դեղամիջոցի թողարկման թույլտվություն:

Բժիշկ Ջին նշել է, որ այդ դեղամիջոցի շնորհիվ կարանտինը բոլոր երկրներում հնարավոր կլինի հանել։ «Եթե մենք ունենանք չեզոքացնող հակամարմիններ օրգանիզմում, սոցիալական տարածություն կարիք չի լինի», - ընդգծել է նա: