Գյումրեցի աղջնակի առողջական վիճակն արդեն կայուն է, կարողանում է խոսել

Գյումրեցի աղջնակի առողջական վիճակն արդեն կայուն է, կարողանում է խոսել. այս մասին իր ֆեյսբուքյան էջում գրառում է կատարել «Սուրբ Աստվածամայր» ԲԿ-ի մամուլի խոսնակ Գևորգ Դերձյանը. հայտնում է Yerkir.am-ը:

Նա նշել է՝ աղջնակը դեռ վերակենդանացման բաժանմունքում է, գտնվում է «Սուրբ Աստվածամայր» ԲԿ-ի բժիշկների հսկողության տակ: Ժամանակ առ ժամանակ անհանգստության դրսևորումներ է ունենում, բայց երեխայի հետ հոգեբաններ են աշխատում: Առողջության մեջ կա դրական դինամիկա: 

Հիշեցնենք, որ մարտի 5-ին Գյումրիում դաժան ծեծի էին ենթարկվել մայրն ու նրա անչափահաս դուստրը. կինը մահացել է, իսկ փոքրիկ աղջնակը ծայրահեղ ծանր վիճակում՝ մարմնական բազում վնասվածքներով տեղափոխվել «Սուրբ Աստվածամայր» ԲԿ: