ԵԽԽՎ-ն կոչ է արել Ադրբեջանի դեմ պատժամիջոցներ կիրառել

Եվրոպայի խորհրդի խորհրդարանական վեհաժողովի ձմեռային նստաշրջանի ժամանակ՝ Ստրասբուրգում հունվարի 27-ին կայացավ «Ճգնաժամ Եվրոպայի խորհրդում. Ադրբեջանում քաղբանտարկյալների անվերջ խնդիրը» թեմայի քննարկումը. ըստ Yerkir.am-ի՝ այս մասին հայտնում է «Թուրան» գործակալությունը:

Ադրբեջանական Լրագրողների ազատության և անվտանգության ինստիտուտի ղեկավար Էմին Հուսեյնովը նշում է, որ Ադրբեջանում քաղբանտարկյալների խնդիրը շարունակվում է 1990-ականներից. «Բանտարկության են ենթարկվում բոլոր նոր դեմքերը և այդ ահասարսուռ գործընթացը շարունակվում է», - նշել է Հուսեյնովը:

Նա կարևոր համարեց իսլանդացի խորհրդարանական  Տորհիլդուր Սուննա Էվարսդոտտիրի կողմից առաջ քաշված զեկույցի ընդունումը: «Ադրբեջանի ղեկավարությունը պետք է դադարեցնի կոռուպցիան և ազատ արձակել քաղբանտարկլաներին», - հայտարարել է Հուսեյնովը:

ԵԽԽՎ նիստի մասնակիցները կառույցին կոչ արեցին բանաձև ընդունել Ադրբեջանի դեմ՝ հիմնվելով իսլանդացի պատգամավորի զեկույցի վրա: