Պաղեստինի ժողովրդի ազգային շահերին հակասող ծրագրերը երբեք չեն իրականանա. Իրանի ԱԱ գերագույն խորհրդի քարտուղար

Պաղեստինի ժողովրդի ազգային շահերին հակասող ծրագրերը երբեք չեն իրականանա: Այս մասին ասել է Իրանի ազգային անվտանգության գերագույն խորհրդի քարտուղար Ալի Շամխանին Պաղեստինի Իսլամական դիմադրության շարժման (ՀԱՄԱՍ) քաղաքական Բյուրոյի ղեկավարի տեղակալի հետ հանդիպման ժամանակ. տեղեկացնում է ԻՌՆԱ-ն:

Ըստ Շամխանիի՝ «Դարի գործարք» կոչվող ծրագրի իրագործման փորձերն ի սկզբանե ձախողման են դատապարտված: Նա վստահեցրել է, որ Պաղեստինի ժողովրդի ազգային շահերին հակասող գործընթացները պարտության են դատապարտված:

«Իրանի քաղաքական ուղեգիծը Պաղեստինի վերաբերյալ հստակ է ու անփոփոխ»,- հիշեցրել է Շամխանին՝ նշելով. «Այդ երկրի ժողովրդի ազգային շահերն ու դիմադրության շարժման վերջնական հաղթանակը համարվում են Իսլ. հեղափոխության հրամայականներից մեկը»: