Իրանը պատասխանել է ամերիկյան կողմի մեղադրանքին

Հայտարարություններն այն մասին, որ իրանական նավերը Պարսից ծոցում փորձել են կանգնեցնել բրիատնական նավթատար նավը, ուղղված են լարվածության սրմանը: Այդ մասին ասվում է Իրանի ԱԳՆ-ի մեկնաբանությունում:

Հիշեցնենք, որ ավելի վաղ CNN-ը հայտնել էր, որ Իսլամական հեղափոխության պահապանների կորպուսի 5 զինված մոտորանավեր սկսել են հետապնդել Մեծ Բրիտանիայի նավթատար նավը և փորձել կանգնեցնել այն:

Անցյալ հինգշաբթի հայտնի է դարձել, որ Ջիբրալթարում բրիտանական իշխանությունները ձերբակալել են նավթատար նավ, որը հում նավթ էր տեղափոխում Սիրիա: Ըստ Ջիբրալթարի վարչապետ Ֆաբիան Պիկարդոյի` տեղեկություն է եղել, որ Grace 1 նավը գործել է` Սիրիայի դեմ ԵՄ պատժամիջոցների խախտելով: Իրանի ԱԳՆ-ն բողոք է հայտնել Բրիտանիային և պահանջել ազատ արձակել նավը:

Երեկ Իրանի նախագահ Հասան Ռոհանին սպառնացել է Բրիտանիային հետևանքներով: