Թուրքական դատարանը չի բավարարել «Յենի Աքիթ»-ի դեմ դատական գործ հարուցած «Թաքցված խաչ» ֆիլմի ռեժիսորի հայցը

Թուրքական դատարանը չի բավարարել իսլամացված հայերի թեմայով նկարահանված ‹‹Թաքցված խաչ›› ֆիլմի ռեժիսորի հայցը: Դատարանը ‹‹Յենի Աքիթ›› օրաթերթում հրապակված նյութը, որում ֆիլմի հեղինակները բացահայտ կերպով թիրախավորվել էին, համարել է ‹‹խոսքի ազատություն››: Այդ մասին, ըստ Akunq.net-ի, հաղորդում է Boldmedya.com լրատվական կայքէջը:

Ըստ աղբյուրի՝ հայցը քննվել է Դիարբեքիրի 4-րդ հաշտարար դատարանի կողմից: Դատարանը նշել է, որ թեև հրապարակման մեջ տեղ գտած որոշ նախադասություններ բավականին խիստ են ձևակերպված, սակայն այդ նյութը չի կարող անձնական հարձակում համարվել:

Հիշեցնենք, որ վավերագրական ֆիլմի ռեժիսոր Ալթան Սանջարը դատարան էր դիմել ‹‹Յենի Աքիթ›› օրաթերթում հրապակված այն լուրի համար, որում ֆիլմի հեղինակները որպես դավաճան էին պիտակավորվել:

Մելինե Անումյան

Akunq.net