ՀՅԴ ՀԵՄ «Ահազանգ» նախաձեռնությունը ԱԺ դարպասների մոտ ահազանգեց վարչապետ Փաշինյանին

ՀՅԴ ՀԵՄ «Ահազանգ» նախաձեռնության անդամների նստացույցը շարունակվում է։ Ազգային ժողովի դարպասների դիմաց նրանք իրենց տեսակետները ներկայացրեցին ՀՀ ԱԺ ժամանած վարչապետ Նիկոլ Փաշինյանին:

Հիշեցնենք՝ երեկվանից ԱԺ շենքի առջև մեկնարկել է ՀՅԴ ՀԵՄ «Ահազանգ» նախաձեռնության նստացույցը:

ԱԺ-ում նախատեսված է Հարկային օրենսգրքում փոփոխություններ կատարելու վերաբերյալ օրինագծի երկրորդ ընթերցումը։

ՀՅԴ ՀԵՄ «Ահազանգ» նախաձեռնության անդամները դեմ են Հարկային օրենսգրքով նախատեսվող` եկամտային հարկի համահարթ սկզբունքին։ Երիտասարդները կոչ են անում եկամտահարկի համահարթեցմամբ մտահոգվող բոլոր անհատներին և կազմակերպություններին` միանալ իրենց: Սա երիտասարդների կողմից իրականացվող  բողոքի հերթական ակցիան է։