Իրանում կարծում են, որ ԱՄՆ «փորձառու զորահրամանատարները» պատերազմ թույլ չեն տա

Իրանական բանակի հրամանատարի օգնական Հասան Սեյֆին հայտարարել է, որ մտածող ամերիկացիները և  ԱՄՆ «փորձառու  զորահրամանատարները» դժվար թե թույլ տան Վաշինգտոնի «ծայրահեղական տարրերին» պատերազմ սկսել. հայտնում է РИА Новости-ն` Mehr-ին հղումով:

«Մենք համոզված ենք, որ ողջամիտ ամերիկացիները և նրանց  փորձառու զորահրամանատարները թույլ չեն տա ծայրահեղական տարրերին հայտնվել մի  իրավիճակում, որից դժվար կլինի դուրս գալ, ուստի նրանք պատերազմ չեն սկսի»,-ասել է նա գործակալությանը:

Սեյֆիի խոսքով` Իրանի զինված ուժերը լիովին պատրաստ են պաշտպանել իրենց երկիրր:

Հիշեցնենք, որ ԱՄՆ-ը մտադիր է զորքեր ուղարկել Մերձավոր Արևելք` Իրանի հետ հարաբերություններում լարվածության ֆոնին: