ԱՄՆ-ն Թուրքիային երկու շաբաթ ժամանակ է տվել

ԱՄՆ-ն Թուրքիային ռուսական Ս-400 ՀՕՊ համակարգերի գնումից հրաժարվելու և ամերիկյան արտադրության «Պատրիոտ» համակարգերի գնման վերաբերյալ որոշում կայացնելու համար երկու շաբաթ ժամանակ է տվել. հաղորդում է ensonhaber.com կայքը` CNBC-ի հղումով:

«Թուրքիան առաջիկա շաբաթվա վերջում պետք է Ռուսաստանի հետ միլիարդավոր դոլար արժողությամբ համաձայնագիրը չեղյալ հայտարարի և դրա փոխարեն պետք է գնի ԱՄՆ-ում «Ռայթեոն» գործարանի կողմից արտադրված «Պատրիոտ» ՀՕՊ համակարգերը, այլապես ամերիկյան Lockheed Martin ռազմա-արդյունաբերական կորպորացիայի Ֆ-35-ների ծրագրից դուրս կմղվի, կառերեսվի խոստացված 100 հատ Ֆ-35-ի կորստի, պատժամիջոցների կիրառման և ՆԱՏՕ-ի հավանական հակազդեցությանը»,- նշված է CNBC-ի հայտարարության մեջ: