Վենեսուելայի առաջնորդը մեղադրում է Դոնալդ Թրամփին

Վենեսուելայի առաջնորդ Նիկոլաս Մադուրոն ԱՄՆ նախագահ Դոնալդ Թրամփին մեղադրել է իրենց երկրում ճգնաժամից դուրս գալու երկխոսության խափանումը ծրագրելու մեջ: Այս մասին հաղորդում է CNN-ը:

«Նախագահ Դոնալդ Թրամփը մտադիր է խափանել երկխոսության նախաձեռնությունը, որը Կարիբյան միության աջակցությամբ առաջարկել են Ուրուգվայն ու Մեքսիկան` հանուն Վենեսուելայի օգտին խաղաղ լուծման մշակման»,- հայտարարել է Մադուրոն Կարակասի Բոլիվարի հրապարակում ելույթ ունենալիս:

Ըստ նրա` իշխանություններն ու ընդդիմությունը պետք է բանակցությունների սեղանի շուրջը նստեն` հանուն Վենեսուելայի բարօրության: «Երկխոսությունից հրաժարվելը նշանակում է բռնության ճանապարհի ընտրություն»,- ընդգծել է Մադուրոն:

Վենեսուելայի խորհրդարանի խոսնակ Խուան Գուաիդոն հունվարի 23-ին իրեն պետության ղեկավար էր հռչակել ժամանակավոր կառավարության գործունեության շրջանում: ԱՄՆ-ն ու մի շարք այլ երկրներ Վենեսուելայի նախագահ Նիկոլաս Մադուրոյից, որի ընտրությունն օրինական չեն համարում, պահանջել էին ընդդիմության դեմ ուժային գործողություններ թույլ չտալ: Մադուրոն իրեն սահմանադրական ճանապարհով ընտրված նախագահ է համարում, միևնույն ժամանակ` ընդդիմադիր խորհրդարանի ղեկավարին՝ ԱՄՆ-ի խամաճիկ:

Հավելենք`Ռուսաստանը, Չինաստանը եւ մի շարք այլ երկրներ աջակցել են Մադուրոյին՝ որպես Վենեսուելայի լեգիտիմ նախագահի: