ԵԱՏՄ նախագահությունը 2019-ին Ռուսաստանից կանցնի Հայաստանին

ՌԴ վարչապետ Դմիտրի Մեդվեդևի նախագահությամբ`Մինսկում երեքշաբթի անցկացվել է Եվրասիական միջկառավարական խորհրդի նիստը. հայտնում է Русарминфо-ն:

ԵԱՏՄ անդամ պետությունների կառավարությունների ղեկավարները տարատեսակ հարցեր են քննարկել, այդ թվում` ֆինանսների, նավթի և գազի միասնական շուկա ստեղծելու, ինչպես նաև պատժամիջոցներից պաշտպանվելու միջոցների մասին:

Գագաթնաժողովի արդյունքներով՝ կողմերը տասնյակից ավելի հրահանգներ են ստորագրել, որոնք ներկայացվելու են միության անդամ երկրների ղեկավարների հաստատմանը:

Նշվում է նաև, որ 2019-ին ԵԱՏՄ աշխատանքային մարմիններում նախագահող կողմի ֆունկցիաները Ռուսաստանից կփոխանցվեն Հայաստանին: