Սուզված նավի և իր գործունեությունը դադարեցրած բանկի ներառումը պատժամիջոցների ցուցակում անճարակության նշան է. Իրանի ԱԳՆ

Սուզված նավի եւ իր գործունեությունը դադարեցրած բանկի ներառումը պատժամիջոցների ցուցակում վկայում է ԱՄՆ-ի անճարակության մասին: Այս մասին Twitter-ի իր միկրոբլոգում գրել  Իրանի ԱԳ նախարար Մոհամմադ Զարիֆը` արձագանգելով ԱՄՆ-ի կողմից հրապարակված` հակաիրանական պատժամիջոցների թարմացված ցուցակին:

«Հոգեբանական գործողության շրջանակում, անճարակությունից ելնելով, ԱՄՆ-ը պատժամիջոցների ցուցակը լրացնելու նպատակով դրանում ներառել է 6 տարի առաջ լուծարված բանկ և  նախորդ տարի սուզված նավ»,- գրել է Զարիֆը:

Նշենք, որ ԱՄՆ հակաիրանական պատժամիջոցների թարմացված ցուցակում ներառվել են «ԹԱԹ» բանկը, որը 6 տարի առաջ դադարեցրել է իր գործունեությունը, և հունվարի 6-ին Արևելաչինական ծովում  սուզված «Սանչի» նավը: