Կանադայի խորհրդարանը կդյուրացնի քաղաքացիություն ստանալու գործընթացը

Կանադայի խորհրդարան է մտցվել օրինագիծ, որը նախատեսում է քաղաքացիություն ձևակերպելու գործընթացի դյուրացում։ Այդ մասին հայտնել է RT-ն։

Նախաձեռնությունը պատկանում է պատգամավոր, «Նոր ժողովրդավարություն» կուսակցության անդամ Ջեննա Կուանին։ Նոր օրինագիծը նաև նախատեսում է կարճ ժամկետներում անձնագիր հանձնել բոլոր նրանց, ում ծնողները կամ հեռավոր բարեկամները Կանադայի քաղաքացիներ են։

«Մեր երկիրը կառուցվել է ներգաղթածների ձեռքերով, այդ իսկ պատճառով մենք պարտավոր ենք մեծացնել ներգաղթյալների մակարդակը»,-ընդգծել է պատգամավորը։

Նրա խոսքով՝ 2017 թվականին կանադական կառավարությունը մտադիր է ընդունել 300 հազար ներգաղթյալների, մինչդեռ տնտեսական աճի հարցերով խորհուրդը կոչ է անում կառավարությանը այդ թիվը մեծացնել մինչև 450 հազարի։