Ժամը 8-ից բացվել են բոլոր` 837 ընտրատեղամասերը

Այսօր` հոկտեմբերի 2-ին, Գեղարքունիքի, Լոռու, Կոտայքի, Շիրակի, Սյունիքի և Վայոց ձորի մարզերի 377 համայնքներում, այդ թվում `նաև Գյումրիում և Վանաձորում, անցկացվում են տեղական ինքնակառավարման մարմինների ընտրություններ:
Ինչպես հայտնում են ԿԸՀ-ից, առավոտյան` ժամը 8.00-ին,  ՀՀ  ընտրական օրենսգրքով սահմանված կարգով բացվել են ընտրությունների համար ձևավորված բոլոր` 837 ընտրական տեղամասերը և ընդունել առաջին ընտրողներին: 

Շիրակի մարզի Գյումրի և Լոռու մարզի Վանաձոր համայնքներում ընտրություններն առաջին անգամ կանցկացվեն նոր կարգով: Քաղաքացիները ընտրելու են ոչ թե անձերի, այլ քաղաքական ուժերի միջև, և հաղթող քաղաքական ուժն էլ առաջիկա 5 տարիների ընթացքում կստանձնի համայնքի ղեկավարման պատասխանատվությունը: