Ֆրանսիացին իր գործատուին դատի է տալիս «ձանձրալի աշխատանքի» պատճառով

Փարիզեցի Ֆրեդերիկ Դեզնարը դատի է տվել Interparfums` օծանելիք արտադրող ընկերությանը ձանձրալի աշխատանքի պատճառով: 44-ամյա ֆրանսիացին մտադիր է դատական կարգով ընկերությունից 360 հազար եվրոյի փոխհատուցում ստանալ. տեղեկացնում է rosbalt.ru-ն:

Դեզները ընկերության մենեջերներից է եղել: Նա պնդում է, որ 2010-2014 թվականների ընթացքում ղեկավարությունը թույլ չի տվել իրենց կատարել իր իրական պարտականությունները` դրա փոխարեն պահանջելով կատարել ձանձրալի աշխատանք: Իր կյանքի այդ հատվածը Դեզները համարում է մղձավանջային, «դժոխային»: Նա համոզված է, որ այդ աշխատանքի պատճառով է ձեռք բերել մի շարք հիվանդությոններ` խոց, քնի խանգարում, դեպրեսիա:

Դեզներին 2014-ին հեռացրել են աշխատանքից, քանի որ նա 7 ամիս հիվանդ է եղել: Նրա փաստաբանը համոզված է, որ Դեզների ղեկավարությունը դիտմամբ է նրան ստիպել կատարել ձանձրալի աշխատանք, որպեսզի պատճառ ունենա առանց փոխհատուցման հեռացնել նրան աշխատանքից: Իսկ ընկերության փաստաբանը նշել է, որ Դեզներն աշխատելիս, ընդհակառակը, դժգոհում էր, որ ահավոր ծանրաբեռնված է: