Պաշտոնն այնպիսի բան է, որ մի օր ունենում ես, հաջորդ օրը կարող ես չունենալ. Գալուստ Սահակյան

Պաշտոնն այնպիսի բան է, որ մի օր ունենում ես, հաջորդ օրը կարող ես չունենալ. այսօր Ազգային ժողովում լրագրողներին ասաց ԱԺ նախագահ Գալուստ Սահակյանը` անդրադառնալով ՊՆ-ում տեղի ունեցած պաշտոնանկություններին:

Սահակյանը նշեց, թե որևէ մեկը չի կարող պնդել, որ վերջին օրերի զոհերի մեղավորները հենց այդ երեք պաշտոնյաներն են: «Դա պաշտպանության խնդիրներն են, նոր կազմակերպված պրոցեսներ սկսելուց կարողանում է նաև իր համար կադրեր ընտրել: Ես չեմ կարծում, որ դա կոռուպցիայի, մեծ թերացման խնդիր կարող է լինի, որի արդյունքում ինչ-որ մի բանում մենք տուժենք: Դա փոքր կլինի, թե մեծ կլինի` հիմա մեր պաշտպանության նախարարությունն այս պատերազմական իրողությունից հետո նոր դերակատարում կվերցնի և այնտեղ ինքը կընտրի իր կադրերին»,- ասաց նա: