Ադրբեջանի իշխանությունները փորձում են քաղաքական օրակարգ փոխել

Ադրբեջանի իշխանությունները փորձում են քաղաքական օրակարգ փոխել. այսօր լրագրողներին ասաց քաղաքագետ Հրանտ Մելիք-Շահնազարյանը:

Ըստ նրա` արտգործնախարարների հանդիպումը Նյու Յորքում ուղղված է լինելու նախագահների հերթական հանդիպումը կազմակերպելուն և, ըստ էության, բանակցային գործընթացին նոր շունչ հաղորդելուն:

«Ադրբեջանը պատրաստ չէ այդ բանակցություններին, նրանք հասկանում են, որ քաղաքական բանակցությունների ճանապարհով իրենց առջև դրված խնդիրները չեն կարող լուծել, դրա համար էլ փորձում են օրակարգ փոխել և նորից տապալել բանակցությունների վերսկսման հնարավոր գործընթացը: Սա նրանց շտապողական քաղաքականության շարունակությունն է, որը այնքան է խորացել, որ ուշադրություն չի դարձնում ո՛չ միջազգային հանրության ճնշումներին, ո՛չ էլ հայկական կողմի պատժիչ գործողություններին»,- ասաց քաղաքագետը: