Թուրքիայի հայկական որբանոցը խոստացել էին վերադարձնել, բայց…

Այսօր Թուրքիայում հայկական որբանոցի ոչնչացման դեմ պայքարի 37-րդ օրն է:

Խորհրդարանական ընտրություններից առաջ «Արդարություն և զարգացում» կուսակցության կողմից պատգամավորի թեկնածու առաջադրված` ազգությամբ հայ Մարգար Եսայանը հայտնել էր, թե իբր իշխանությունները խոստացել են այն վերադարձնել Գեդիքփաշայի հայկական եկեղեցու հիմնադրամին, սակայն անցել է ավելի քան 3 շաբաթ, սակայն այդ ուղղությամբ ոչ մի քայլ չի ձեռնարկվել:

Ավելի վաղ Թուրքիայում «Նոր Զարթօնք» հայկական կազմակերպությունը հայտարարություն էր տարածել՝ Եսայանին մեղադրելով խորհրդարանական ընտրություններում հայկական որբանոցը որպես քարոզչամիջոց օգտագործելու համար:

Սակայն «Փարոս» ամսագրի հետ զրույցում Եսայանն ասել էր, թե հայկական որբանոցի սեփականությունը վերադարձվել է հայկական կողմին, ինչը դժգոհության մեծ ալիք էր բարձրացրել որբանոցի ոչնչացման դեմ պայքար մղող անձանց շրջանում: