Սուրեն Չախալյանը` «Ուլիս»-ի գլխավոր մարզիչ

«Ուլիս»-ի գլխավոր մարզչի պաշտոնը երկար ժամանակ թափուր չմնաց: Այսօր արդեն թիմի գլխավոր բաժնետեր Վալերի Հովհաննիսյանը, թիմի խաղացողներին ներկայացրել է նոր մարզչին: Չնայած նոր ասելը հարաբերեական է: «Ուլիս» է վերադարձել թիմի նախկին գլխավոր մարզիչ Սուրեն Չախալյանը, ով այսօր անցկացրեց առաջին մարզումը: Սուրեն Չախալյանին «Ուլիսի» շատ ֆուտբոլիստներ շատ լավ ճանաչում են: Առաջնության մեկնարկում Չախալյանի գլխավորությամբ «Ուլիս»-ն անցկացրեց 8 հանդիպում ու վաստակեց 22 միավոր, տոնելով 7 հաղթանակ ու մեկ խաղ էլ ավարտեց ոչ-ոքի արդյունքով:

«Ուլիս»-ից հեռանալուց հետո Սուրեն Չախալյանը գլխավորեց «Արարատ»-ը: Մի քանի օր առաջ Չախալյանը հրաժարական ներկայացրեց, որն էլ ընդունվեց «Արարատ»-ի ղեկավարության կողմից:
«Ուլիս»-ը Սուրեն Չախալյանի հետ պայմանագիր է կնքել մինչև մրցաշրջանի ավարտը հետագայում համագործակցությունը շարունակելու հնարավորությամբ: Այս մասին տեղեկացնում է երևանյան ակումբի մամուլի ծառայությունը: