«Արարատ»-ը հաղթել է ստուգողական խաղում

Սոչիում ընթացող հավաքի երկրորդ ստուգողական խաղում «Արարատ»-ը վստահ հաղթանակ տոնեց «Յուգ-Սպորտ» թիմի նկատմամբ:

Ինչպես տեղեկացնում է ակումբի պաշտոնական կայքը, հանդիպման սկզբնամասում Սոչիի թիմը   առաջ անցավ հաշվի մեջ, ինչին «Արարատ»-ը պատասխանեց Ալեքսանդր Ռակիչի և Վիկտոր Գարզայի գոլերով:

Երկրորդ խաղակեսում «Յուգ-Սպորտը» 11-մետրանոցով հավասարեցրեց հաշիվը, սակայն մի քանի րոպե անց Սաման Աղազամանին կրկին առաջ մղեց «Արարատ»-ին` իրացնելով Արեգ Ազատյանի վաստակած 11-մետրանոց հարվածը: Խաղի վերջնամասում  երևանյան թիմը մեծացրեց ճնշումը, ինչի արդյունքում Կարլո Չուեկայի իրացրած անկյունայինից հետո «Արարատ»-ի 4-րդ գոլը խփեց փոխարինման դուրս եկած Մոյսես Օրոզկոն:

 Հանդիպմանը մասնակցեց նաև հարձակվողական ոճի կիսապաշտպան Ալան Ալբորովը, ով նախկինում հանդես է եկել Վլադիկավկազի «Ալանիա»-ում և Պյատիգորսկի «Մաշուկ»-ում: 24-ամյա ֆուտբոլիստը փորձաշրջան է անցնում մեր թիմում:

Փետրվարի 19-ին «Արարատ»-ը երրորդ և վերջին ստուգողական խաղը կանցկացնի Սոչիում` մրցելով Ռուսաստանի առաջնության առաջին խմբում հանդես եկող Ձերժինսկի «Խիմիկ»-ի հետ: Հաջորդ օրը մեր  կավարտի ուսումնամարզական հավաքը և կվերադառնա Երևան: