Հանրապետականը չկարողացավ ԱԺ-ում երկու օրենք անցկացնել

Այսօր ԱԺ-ում երկու օրինագիծ չի ընդունվել ոչ իշխանական խմբակցությունների պատգամավորների` քվեարկությանը չմասնակցելու պատճառով:

Այսպես` «Անձնական տվյալների պաշտպանության մասին օրենք»-ի քվեարկությունից առաջ ԲՀԿ խմբակցության պատգամավոր Միքայել Մելքումյանը հայտարարեց, որ ԲՀԿ-ն չի մասնակցելու քվեարկությանը, քանի որ երկրում, տեղեկատվական և իրավական ցածր մակարդակի պայմաններում, քաղաքացու անձնական տվյալների արտահոսք կարող է լինել:

ԱԺ նախագահ Գալուստ Սահակյանը արձագանքեց. «Ընդմիջումից հետո իրավունք էլ չունեի ձայն տալու, մտածում էի` կարգին դրսևորում կունենաք»:

«Անձնական տվյալների պաշտպանության մասին» օրենքին կողմ քվեարկեց 61 պատգամավոր, իսկ «Վարչարարության հիմունքների եւ վարչական վարույթի մասին» օրենքին` 57 պատգամավոր, և օրենքները չընդունվեցին: