Վարդենիս հասած ադրբեջանցիներն իրականում երկուսն են եղել

Yerkir.am-ի տեղեկություններով` երեկ` հուլիսի 8-ին, երկու ադրբեջանցի անցել են ՀՀ սահմանը` հասնելով մինչև Քարվաճառ, որը գտնվում է Վարդենիսից քիչ հեռու: Նրանցից մեկին հայտնաբերել են, իսկ մյուսին հաջողվել է փախուստի դիմել: 14-ամյա տղայի` այսօր կորելու փաստը համընկել է այդ իրադարձությունների հետ, եւ վարդենիսցիները դա կապում են փախուստի դիմած ադրբեջանցու հետ:

Մամուլում տարածվեց նաեւ տեղեկություն, թե 30-ից ավելի ադրբեջանցիներ դիվերսիոն գործողություններ են իրականացրել: Մեր տեղեկություններով` դա չի համապատասխանում իրականությանը:

Հիշեցնենք, որ Վարդենիսի բնակիչները ահազանգում են ադրբեջանցիների դիվերսիոն գործողությունների և 14-ամյա տղայի անհետացման մասին: Դա մեծ աղմուկ է բարձրացրել: Նշենք, որ «Գալա»-ի հետ զրույցում ՊՆ մամուլի խոսնակ Արծրուն Հովհաննիսյանը հայտարարել է, որ Վարդենիսում վիճակը նորմալ է, իսկ երեխայի գերեվարության մասին տեղեկությունը իրականությանը չի համապատասխանում: