Էդքան խեղճացած ու անտեր, մեղքս գալիս էր...

Այսօր լրագրողների հետ զրույցում, խոսելով Աստանայում տեղի ունեցած քաղաքական իրադարձությունների և Հայաստանի եվրասիական ինտեգրման հետագա ճակատագրի մասին, ԱԺ ՀԱԿ խմբակցության քարտուղար Արամ Մանուկյանը նշեց, որ չէր ցանկանա իր թշնամուն տեսնել այնպիսի վիճակում, ինչպիսի վիճակում երեկ հայտնվել էր Սերժ Սարգսյանը:

«Էդքան խեղճացած ու անտեր, մեղքս գալիս էր: Բայց մնացած երկրների ղեկավարների պահվածքից, դիրքից, խոսքի ուժգնությունից քեֆս գալիս էր: Ափսոսում եմ, որ իմ երկիրն ունի այնպիսի ղեկավար, որը չի զգում, որ իր հետևում ժողովուրդ կա կանգնած, նա դաս չսովորած աշակերտի վիճակում էր: Կարճ կլինեմ` Սերժ Սարգսյանի համար ամենահարմար ժամանակն է` հրաժարական տալու»,- ասաց պատգամավորը: