Պատգամավորը պահանջել է հարգել պետական լեզուն

Արդեն տեղեկացրել ենք, որ ԱԺ-ում ընթացող Հավաքական անվտանգության պայմանագրի կազմակերպության Խորհրդարանական վեհաժողովի (ՀԱՊԿ ԽՎ) պաշտպանության եւ անվտանգության հարցերով մշտական հանձնաժողովի փակ նիստի աշխատանքային լեզուն ռուսերենն է, անգամ` օրակարգի հայերեն տարբերակը չկա, բնականաբար, նաեւ` համաժամանակյա թարգմանություն:

Լրագրողների հետ զրույցում անկախ պատգամավոր Խաչատուր Քոքոբելյանը,  անդրադառնալով այս երևույթին, նշեց, որ քանի որ ՀՀ պետական լեզուն հայերենն է, իսկ նիստն ընթանում է ՀՀ Ազգային ժողովում, ուրեմն կազմակերպիչները պարտավոր էին թարգմանություն ապահովել: Քոքոբելյանն ասաց, որ հարգանքով է վերաբերվում ռուսերենին և այլ լեզուների, բայց պահանջել է, որ իրեն ներկայացված փաստաթղթերը լինեն հայերեն:

Նշենք, որ նիստին հետեւած ասուլիսը եւս ռուսերեն լեզվով է եղել: