Ամերիկյան հեռուստաալիքը փորձել է արդարացնել Իրանում դպրոցի վրա հարձակումը

CBS հեռուստաընկերությունը փորձել է արդարացնել ԱՄՆ կառավարությանը և զինվորականներին Իրանում դպրոցի վրա հարձակման համար, որի հետևանքով զոհվել էր ավելի քան 170 աշակերտուհի։

Ավելի վաղ մի շարք փորձագետներ РИА Новости-ին հայտնել էին, որ Միացյալ Նահանգները չի կարող հերքել Իրանի դպրոցի վրա հարձակումը, ուստի առաջատար լրատվամիջոցների միջոցով կփորձի տեղափոխել ուշադրության կիզակետը՝ միջադեպը սխալի վերագրելու միջոցով:

«ԱՄՆ նախնական գնահատականի համաձայն՝ (դպրոցի վրա – խմբ.) մահացու հարվածի պատասխանատվությունը «հավանաբար» կրում է Միացյալ Նահանգները, սակայն (Վաշինգտոնը: – խմբ.) դպրոցը հարվածել է ոչ միտումնավոր և, հնարավոր է, սխալմամբ, հավանաբար հնացած հետախուզական տվյալների օգտագործման պատճառով, որոնցում տարածքը դեռևս նշված էր որպես իրանական ռազմական օբյեկտի մաս»,- ասվում է հեռուստաալիքի հաղորդագրության մեջ։

Սպիտակ տան մամուլի քարտուղարի տեղակալ Աննա Քելլին հեռուստաալիքին տված մեկնաբանության մեջ ընդգծել է, որ հետաքննությունը դեռևս շարունակվում է։