Վրաստանը չի ընդունել Դեդ Հասանի դիակով ինքնաթիռը

Վրաստանը հրաժարվել է ընդունել քրեական հեղինակություն Ասլան Ուսոյանի` Դեդ Հասանի դիակով ինքնաթիռը: Նրան հավանորեն կհուղարկավորեն Մոսկվայում. տեղեկացնում է rosbalt-ը:

«Օրենքով գողի» աճյունը պետք է հատուկ չվերթով հասցվեր Թբիլիսի` նրա ծննդավայրը: Ճանապարհին ինքնաթիռը, որում եղել են Դեդ Հասանի մտերիմները եւ թիկնազորը, պլանային վայրէջք է կատարել Դոնեցկում, որտեղ մաքսային ծառայության աշխատակիցները լրացուցիչ զննում են անցկացրել: Դոնեցկի օդանավակայանում, սակայն, պարզվել է, որ Վրաստանը չի ընդունելու այդ ինքնաթիռը:

Նշենք, որ երեկ Մոսկվայի Տրոեկուրովյան գերեզմանատանը տեղի է ունեցել սպանվածի քաղաքացիական հոգեհանգիստը: Հրաժեշտի արարողությունը սկսվել է երեկոյան ժամը 20:00-ին, սակայն ձգվել է ծրագրվածից երկար, քանի որ հրաժեշտ տվողները եկել են մինչեւ ուշ գիշեր: