Իտալական թերթի վարկածով` Դեդ Հասանի եւ քուրդ կանանց սպանությունների միջեւ կապ կա

Քրեական հեղինակություն Դեդ Հասանի սպանությունը հնարավոր է կապ ունենա վերջերս Փարիզում քուրդ ակտիվիստուհիների սպանության հետ: Նման վարկած է առաջ քաշել իտալական Corriere della Sera թերթի լրագրողը` դա մեկնաբանելով այն բանով, որ Դեդ Հասանը զենք է մատակարարել Թուրքիայում քրդական շարժմանը, մասնավորապես` համագործակցել է Քրդական բանվորական կուսակցության, Աբդուլահ Օջալանի եղբոր հետ. տեղեկացնում է Газета.Ru-ն:

«Եթե նրանք «կալաշնիկովներ»  կամ նռնականետներ էին ցանկանում ձեռք բերել, դիմում էին Դեդ Հասանին: Եվ նա բավարարում էր նրանց պահանջները»,- գրում է իտալական թերթը:

Հոդվածագրի կարծիքով` սպանությունը կատարվել է թուրքական պետության եւ ՔԲԿ-ի միջեւ վերջերս սկսված բանակցությունները տապալելու նպատակով. «Մաֆիոզին վերացնելը եւս մեկ ազդանշան է, որ բանակցությունները ուղեկցվում են հետկուլիսային մանեւրներով»: