Պատժամիջոցների պատժառով Իրանը զրկվել է կարեւոր դեղամիջոցներից

ԱՄՆ-ի եւ արեւմտյան այլ երկրների կողմից կիրառվող պատժամիջոցների հետեւանքով Իրանը զրկվել են կենսականորեն անհրաժեշտ մի շարք դեղամիջոցներից. գրում է The Guardian-ը: Օրինակ` կտրուկ նվազել են քաղցկեղի եւ հեմոֆիլիայի դեմ պայքարի դեղամիջոցները:

Ըստ թերթի` Իրանին միջուկային ծրագրից հրաժարվել ստիպող պատժամիջոցներ կիրառելիս արեւմտյան երկրները նախատեսել են դեղամիջոցների մատակարարման խնդրի լուծում, սակայն այդ միջոցառումները չեն գործում իրանական բանկերի հետ գործարքների կոշտ սահմանափակումների հետեւանքով:

«Երբեմն ձեռնարկությունները համաձայնում են մեզ դեղորայք վաճառել, սակայն մենք նրանց վճարելու միջոց չունենք»,- The Guardian-ին պատմել է Իրանի խոշորագույն` Darou Pakhsh դեղագործական ընկերության տնօրենը` հավելելով, որ որոշ դեղամիջոցներ էլ պարունակում են բաղադրիչներ, որոնք արգելված է վաճառել Իրանին, քանի որ դրանք կարող են օգտագործվել ռազմական արդյունաբերության մեջ: