Թուրքիան արձանագրությունները չի վավերացնի

Իրատեսական չէ, թե Թուրքիանյի խորհրդարանն ընթացիկ նստաշրջանում կվավերացնի հայ-թուրքական արձանագրությունները: Այս մասին «Երկիր»-ի հետ զրույցում ասաց պատմաբան Աղասի Թադեւոսյանը` անդրադառնալով ԱՄՆ պետքարտուղար Հիլարի Քլինթոնի հայտարարությանը.

«Թուրքիան ավելի շատ  նացիոնալիստական գաղափարներով է առաջնորդվում եւ Հայաստանի հետ հարաբերությունների կարգավորման հիմքում էլ դրված է նացիոնլիզմը:  Չնայած Թուրքիայի վրա կան արտաքին ճնշումներ, սակայն նա դիվանգիտական հմտություններով շրջանցում է դրանք»:

Նրա խոսքերով, Թուրքիան տարածաշրջանում Ադրբեջանին ընկալում է որպես թուրքամետ պետություն եւ, բնականաբար շարժվում է` հաշվի առնելով նաեւ Ադրբեջանի շահը: