ՀԱՅՈՑ ԱՇԽԱՐՀ. ՀԱԿ-ի վիճակը կայուն ծանր է

Ութօրյա հրապարակային` փառավորապես տապալված խայտառակ թամաշայից հետո ՀԱԿ-ը շարունակում է «վերլուծել» գլխին եկած պատուհասը:

Ո՞վ շշնջաց Տեր-Պետրոսյանի ականջին, որ պետք է Թատերական հրապարակում վրաններ փռել ու մեկ շաբաթ միտինգ անել: Շուրջօրյա նստացույց-հանրահավաքները դադարեցնելուց հետո, որոնք, ընդգծում ենք, «միակ ընդդիմության» թշվառությունն ու սնանկությունն ի ցույց դնելուց զատ, որեւէ արդյունք չտվեցին, հիմա հավանաբար ՀԱԿ առաջնորդը սեփական առանձնատանը նստած վերստին անիծում է այն օրը, երբ որոշեց վերադառնալ քաղաքականություն:

Կոնգրեսի «տպավորիչ միջոցառումը» բացահայտեց «արմատականների» ներուժը, ինչից ակնհայտ դարձավ, որ այսուհետ միայն հումորով կարելի է արտաբերել «համաժողովրդական շարժում» արտահայտությունը: