Ռուսաստանի 7 դպրոցներում հայերեն կդասավանդեն

Հոկտեմբերի 3-9-ը Հայաստանում կանցկացվեն Ռուսաց լեզվի օրեր, որի շրջանակներում կլինեն գրքերի շնորհանդեսներ, բաց դասեր` դպրոցներում եւ, ամենակարեւորը, Մաշտոցի պողոտայում հոկտեմբերի 7-ին կբացվի Ռուսական գրքի տուն:

«Ռոսսոտրուդնիչեստվոյի» ներկայացուցչության ղեկավար, ՀՀ-ում ՌԴ դեսպանի խորհրդական Վիկտոր Կրիվոպուսկովը տեղեկացրեց, որ նման միջոցառումներ կանցկացվեն ԱՊՀ բոլոր երկրներում:

«Սեպտեմբերին անցկացված սոցհարցումների արդյունքում պարզ է դարձել, որ Հայաստանում ծնողների 94 տոկոսը ցանկանում է, որ իրենց երեխան լիարժեք տիրապետի ռուսերենին: Սա արդեն լուրջ ցուցանիշ է»,- ասաց նա:

Նա նաեւ տեղեկացրեց, որ առաջիկայում Ռուսաստանի 7 դպրոցներում կանցնեն հայերեն, այն  պարտադիր կլինի բոլոր աշակերտների համար: