Հիլարի Քլինթոնն այցելել է Տոկիո

ԱՄՆ պետքարտուղար Հիլարի Քլինթոնը կիրակի օրը խորհրդանշական այց է կատարել Տոկիո, որը տեւել է  մի քանի ժամ: Նա իր պետության աջակցությունն է խոստացել Ճապոնիային ավերիչ երկրաշարժի հետեւանքները վերացնելու գործում:

Ճապոնիայի ԱԳ նախարար Տակեակի Մացումոտոյի հետ հանդիպումից հետո ԱՄՆ պետքարտուղարին ընդունել է Ճապոնիայի կայսր Ակիհիտոն և կայսրուհի Միտիկոն։ Տեղական ԶԼՄ-ները դա համարել են արտասովոր դեպք, քանի որ կայսրը սովորաբար ընդունում է միայն պետությունների առաջին դեմքերին։

Հիլարի Քլինթոնը նաև հանդիպել է Ճապոնիայի վարչապետ Նաոտո Կանի հետ, որը ճապոնացի ժողովրդի անունից շնորհակալություն է հայտնել երկրաշարժից տուժած շրջաններին ցուցաբերած ամերիկյան օգնության համար։