Լիբանանում առեւանգել են էստոնացի զբոսաշրջիկների

Լիբանանի Բեկաա հովտում դիմակավոր եւ զինված մարդիկ առեւանգվել են 7 էստոնացի զբոսաշրջիկների: Reuters-ը տեղեկացնում է, որ առեւանգման պատճառները դեռ անհայտ են, նաեւ հավելում է, որ Լիբանանի քաղաքացիական պատերազմից հետո նման բան տեղի չէր ունեցել:

Էստոնիայի արտգործնախարար Ուրմաս Պաետը էստոնական հեռուստատեսությամբ հայտնել է, որ առեւանգողները դեռ կապի մեջ չեն մտնում:

«Այս պահին կարող ենք պաշտոնապես հաստատել միայն առեւանգման փաստը: Դեռեւս պարզ չէ` նրանք պատա՞նդ են վերցվել, թե՞ ոչ: Տեղեկություններ չունենք, թե ովքեր են առեւանգել մեր քաղաքացիներին»,- ասել է նախարարը` հավելելով, որ իրենք կապի մեջ են Լիբանանի իշխանությունների եւ ԵՄ գործընկերների հետ: