Հատուկ ուշադրություն գյուղատնտեսությանը

«Համայնքների գյուղատնտեսական ռեսուրսների կառավարման և մրցունակության վարկային ծրագրով» իրականացվող միջոցառումների համար ՀՀ կառավարությունը գյուղատնտեսության նախարարությանը հատկացրել է 450 հազար ԱՄՆ դոլարին համարժեք դրամ:

Արդեն իսկ պատրաստվել են հինգ համայնքների, ինչպես նաև նախապատրաստվում են ևս 21 համայնքի արոտավայրերի կառավարման և անասնապահության զարգացման ծրագրերը:

Կառավարության այսօրվա նիստում վարչապետ Տիգրան Սարգսյանը դրական է գնահատել այս ծրագիրը` նշելով, որ այն լուրջ բարեփոխումներ կիրականացնի տասնյակ համայնքներում: Ծրագրի ընդհանուր արժեքը 23 մլն ԱՄՆ դոլար է: Բացառված չէ, որ ապագայում կարող են ներգրավվել լրացուցիչ միջոցներ: