Փորձում են Գագիկ Խաչատրյանի մոտ անկախ բժշկի մուտք թույլ չտալ. Երեմ Սարգսյան

Գերմանացի բժշկի կողմից ՊԵԿ նախկին նախագահ ՔԿՀ-ում պահվող Գագիկ Խաչատրյանին այցելելու վերաբերյալ դիմումին ի պատասխան, փաստաբան Երեմ Սարգսյանի գնահատմամբ, ստացել են ձևական, բյուրոկարտական փաստաթուղթ։

Պաշտպաններին հայտնել են, որ օտարերկրացի բժիշկը բուժօգնության տրամադրման համար պետք է ունենա թույլտվություն, մինչդեռ խոսքը վերաբերում է ոչ թե բուժօգնությանը, այլ բուժզննությանն ու դրա հիման վրա խորհրդատվության տրամադրմանը։

«Այլ բան չի կարող անել ՔԿՀ-ում, սա ակնհայտ ձևականություն է ու նպատակ ունի թույլ չտալ Գագիկ Խաչատրյանի մոտ անկախ բժշկի մուտք, իրենք ուզում են իրենց նախընտրած բժշկներին թույլ տալ, որը վստահություն չի ներշնում»,-ասաց Երեմ Սարգսյանը։

Արձագանքելով պաշտպանի հայտարարությանը՝ ԱՆ մամուլի խոսնակ Մարիամ Ծատրյանը տարածեց հայտարարություն, որտեղ ասված է.

«Գագիկ Խաչատրյանը և, առհասարակ, ազատազրկված անձինք օրենքով սահմանված կարգով քրեակատարողական հիմնարկներում ստանում են անհրաժեշտ և համարժեք բժշկական օգնություն և սպասարկում, անհրաժեշտության դեպքում ուղեգրվում են նեղ մասնագիտական բժշկական զննության:

Խնդրում ենք զերծ մնալ ավելորդ շահարկումներից»։