Մարտի 31-ը կարևոր օր է Վրաստանի նորագույն պատմության մեջ

Մարտի 31-ը կարևոր օր է Վրաստանի նորագույն պատմության մեջ, գրում է Vector News-ը։

1991 թվականի մարտի 31-ին Վրաստանում անցկացվեց համազգային հանրաքվե՝ պետական անկախության վերականգնման վերաբերյալ, որը դարձավ երկրի պատմության շրջադարձային պահը։

Հանրաքվեին մասնակցել է ողջ երկրի բնակչությունը, ներառյալ Աբխազիայի և Սամաչաբլոյի (Ցխինվալի տարածաշրջան) բնակիչները։

Հանրաքվեին ներկայացված էր 1 հարց․

«Համաձա՞յն եք արդյոք վերականգնել Վրաստանի պետական անկախությունը` 1918 թվականի մայիսի 26-ի անկախության ակտի հիման վրա»։

Հանրաքվեին մասնակցել է 3 մլն 334,3 հազար մարդ․

«Այո» — 3 մլն 295,5 հազար (99,08%)

«Ոչ» — 16,9 հազար (0,51%)

Հանրաքվեի արդյունքները ստեղծեցին ժամանակակից վրացական պետականության իրավական հիմքը։ Արդեն 1991 թվականի ապրիլի 9-ին Գերագույն խորհուրդը ընդունեց անկախության վերականգնման ակտը։

Վրաստանի վարչապետ Իրակլի Կոբախձեն նշել է, որ հանրաքվեն դարձավ ժողովրդի միասնական կամքի արտահայտություն և երկրի սուվերեն ապագայի հիմքը։