Ռուսական զորքերը Խարկովի մարզում վերահսկողության տակ են վերցրել Կոնդրաշովկան

Ռուսական զորքերը վերահսկողության տակ են վերցրել Խարկովի մարզի Կոնդրաշովկա բնակավայրը, հայտնում է ՌԴ պաշտպանության նախարարությունը:

ՌԴ ՊՆ-ն նախօրեին հայտարարել էր Ստրոևկան վերահսկողության տակ վերցնելու մասին։

««Արևմուտք» զորքերի խմբավորման ստորաբաժանումների վճռական գործողությունների արդյունքում ազատագրվել են Խարկովի մարզի Ստրոյովկա և Կոնդրաշովկա բնակավայրերը»,-ասվում է մայիսի 24-30-ն ընկած ժամանակահատվածի համար գերատեսչության ամփոփագրում:

Ինչպես նաև մեկ շաբաթվա ընթացքում խոցվել են Ուկրաինայի զինված ուժերի երեք մեքենայացված բրիգադների, տարածքային պաշտպանության հինգ բրիգադների, ազգային գվարդիայի երկու բրիգադների և Ուկրաինայի սահմանապահ ծառայության սահմանապահ ջոկատի կենդանի ուժը և տեխնիկան:

Հիշեցնենք՝ 2022 թվականի փետրվարի 24-ին սկսվեց Ռուսաստանի և Ուկրաինայի միջև զինված հակամարտություն՝ Ռուսաստանի զինված ուժերի կողմից Ուկրաինայի տարածք ներխուժմամբ։ Մոսկվայի ժամանակով մոտավորապես ժամը 05:30-ին Ռուսաստանի նախագահ Վլադիմիր Պուտինը հայտարարեց Ուկրաինայի «ապառազմականացման և դենացիֆիկացման հատուկ գործողության» մասին, որից րոպեներ անց հրթիռային հարվածներ սկսվեցին Ուկրաինայի տարբեր վայրերում։ Մարտական գործողություններն ընթանում են մինչ օրս։