Հայաստանի կիոկուշին կարատե մարզիկները փայլուն արդյունքներով՝ Մոսկվայի աշխարհի առաջնությունում

2025 թվականի մայիսի 25-ին Ռուսաստանի մայրաքաղաք Մոսկվայում կայացավ կիոկուշին կարատեի աշխարհի առաջնությունը, որին մասնակցեցին ավելի քան 550 մարզիկներ աշխարհի տարբեր երկրներից: Հայաստանի կիոկուշին կարատեի ֆեդերացիան ներկայացվեց 11 հոգանոց պատվիրակությամբ, որը գլխավորում էր ֆեդերացիայի փոխնախագահ Հայկ Միսակյանը:

Մեր մարզիկները ցույց տվեցին բարձր մակարդակի մրցելույթներ և գրանցեցին տպավորիչ արդյունքներ տարբեր տարիքային և քաշային կարգերում։ Մենամարտային ծրագրում Հայկ Միսակյանը, Անաստասիա Ռոդինան և Արինա Մատյուշինան  նվաճեցին  աշխարհի չեմպիոնի տիտղոսը, Արծրուն Միսակյանն ու Կարեն Նամալյանը դարձան արծաթե մեդալակիր, իսկ Լևիկ Առուշանյանը, Արտակ Հարությունյանը և Սյուզաննա Խաչատրյանը զբաղեցրին երրորդ հորիզոնականը և նվաճեցին բրոնզե մեդալ։

Կատա դիսցիպլինայում առանձնահատուկ հաջողություն գրանցեց Արծրուն Միսակյանը, ով դարձավ աշխարհի չեմպիոն։

Այս հաջողություններն ապացույցն են այն բանի,որ կիոկուշին կարատեն Հայաստանում գտնվում է բարձր մակարդակի վրա, շարունակելով  զարգանալ ու նվաճել նոր բարձունքներ: