ԱՄՆ-ը չորեքշաբթի կհայտարարի Ռուսաստանի դեմ նոր պատժամիջոցների մասին

ԱՄՆ-ը չորեքշաբթի կհայտարարի ՌԴ-ի դեմ նոր պատժամիջոցների մասին՝ կապված իբր «դրոնների մատակարարման» և «ռուսական ապատեղեկատվության» հետ, ՌԻԱ Նովոստիի փոխանցմամբ՝ հայտարարել է պետքարտուղար Էնթոնի Բլինքենը:

«Վաղը մենք կհայտարարենք նոր միջոցներ, որոնք խստացնում են արտահանման վերահսկողությունը իրանական անօդաչու թռչող սարքերում հայտնաբերված տեխնոլոգիաների նկատմամբ, որոնք օգտագործվում են ուկրաինացի քաղաքացիական անձանց և քաղաքացիական ենթակառուցվածքների վրա հարձակումների ժամանակ, ինչպես նաև հակազդում են ռուսականին․.. ապատեղեկատվությանը, աջակցում են իրավապաշտպաններին»,-ասել է Բլինքենը Շվեդիա կատարած այցի ընթացքում տեղի ունեցած մամուլի ասուլիսի ժամանակ։