Ալիևն ու Էրդողանը քննարկել են Սոչիում տեղի ունեցած եռակողմ հանդիպման արդյունքները

Ադրբեջանի նախագահ Իլհամ Ալիեւը չորեքշաբթի Թուրքիայի նախագահ Ռեջեփ Թայիփ Էրդողանի հետ հեռախոսազրույցում քննարկել է Ռուսաստանի եւ Հայաստանի առաջնորդներ Վլադիմիր Պուտինի եւ Նիկոլ Փաշինյանի հետ Սոչիի հանդիպման արդյունքները: Այս մասին հայտնել Է Ադրբեջանի նախագահի մամուլի ծառայությունը։

Զրույցը տեղի է ունեցել ադրբեջանական կողմի նախաձեռնությամբ։

«Հեռախոսազրույցի ընթացքում քննարկվել են Ադրբեջանի, Ռուսաստանի եւ Հայաստանի առաջնորդների Սոչիի հանդիպումը եւ ստորագրված համատեղ հայտարարությունը», - ասված է հաղորդագրության մեջ:

Մամուլի ծառայության տվյալներով՝ Ալիևն ու Էրդողանը «կարծիքներ են փոխանակել ադրբեջանա-թուրքական բարեկամական և եղբայրական հարաբերությունների տարբեր ասպեկտների վերաբերյալ»։