29 03 2024
|
||
---|---|---|
EUR | ⚊ | 425.62 |
GBP | ⚊ | 497.65 |
GEL | ⚊ | 146.23 |
RUB | ⚊ | 4.27 |
USD | ⚊ | 394.46 |
ՀՅԴ Լիբանանի Հայ դատի մարմինը երէկ Լիբանանի մէջ ՄԱԿ-ի ընդհանուր քարտուղարի անձնական ներկայացուցիչ Եոաննա Վրոնեցքային յղեց նամակ մը, որուն մէջ անոր ուշադրութեան հրաւիրեց 2 հոկտեմբերին ազրպէյճանական թելեկրամեան ալիքներու կողմէ շրջանառութեան մէջ դրուած հայ պատերազմական գերիներու գնդակահարութեան տեսանիւթը:
Հայ դատի մարմինը նշեց, որ Հայաստանի Հանրապետութեան գերիշխան տարածքին վրայ Ազրպէյճանի` 13 սեպտեմբերին շղթայազերծած չհրահրուած յարձակումի ընթացքին 4 հայ կին զինուորներու դէմ պատերազմական ոճիր գործուած ու տեսագրուած էր:
ՀՅԴ Լիբանանի Հայ դատի մարմինը ընդգծեց, որ այդ արարքները Ժընեւի ուխտի յստակ խախտում են, եւ ՄԱԿ-ի Ընդհանուր քարտուղարին, միջազգային ընտանիքին եւ մարդկային իրաւանց միջազգային կազմակերպութիւններուն կոչ ուղղեց` «յստակ ու աներկբայելի կերպով դատապարտելու այդ քստմնելի եւ բարբարոսական արարքները, որոնք անմիջական արդիւնքն են ազրպէյճանական իշխանութիւններուն հակահայ քաղաքականութեան ու հռետորաբանութեան, եւ հաշուետուութեան ենթարկելու այդ արարքներու պատասխանատուները»:
ՀՅԴ Լիբանանի Հայ դատի մարմինը նաեւ այս առնչութեամբ հաղորդագրութիւն մը յղեց լիբանանեան լրատուամիջոցներուն:
aztagdaily.com