120 զրահամեքենա և հականավային հրթիռներ. Բրիտանիան ռազմական նոր օգնություն է տրամադրել Ուկրաինային

Մեծ Բրիտանիայի վարչապետ Բորիս Ջոնսոնը Ուկրաինային ռազմական նոր օգնություն է խոստացել, որը ներառում է զրահատեխնիկա և հականավային սպառազինություն, գրում է Украинская правда-ն:

Ջոնսոնը Կիև է ժամանել շաբաթ օրը՝ հանդիպելու Զելենսկու հետ։

Բորիս Ջոնսոնը Ուկրաինային ռազմական օգնություն է առաջարկել 120 զրահամեքենայի և նոր հականավային հրթիռային համակարգերի տեսքով:

Ջոնսոնը նաև վերահաստատել է Ուկրաինայի տնտեսական աջակցությունը՝ երաշխավորելով Համաշխարհային բանկի ևս 500 մլն դոլարի վարկեր Ուկրաինային։ Մեծ Բրիտանիան նաև տրամադրել է 394 միլիոն ֆունտ ստերլինգ՝ ուկրաինացիների համար կենսականորեն անհրաժեշտ մարդասիրական ծառայությունների շարունակական գործունեությունը ապահովելու համար: