Թուրքիան նախազգուշացնում է Սև ծովում դրեյֆող ականների մասին

Թուրքիայի ռազմածովային ուժերի նավագնացության, հիդրոգրաֆիայի և օվկիանոսագիտության դեպարտամենտը Navtex-ի ծանուցում է հրապարակել՝ նախազգուշացնելով Սև ծովում դրեյֆող ականների մասին։

«Հաղորդվում է, որ ականներ են տեղադրվել Օդեսայի, Օչակովի, Չեռնոմորսկի և Յուժնիի նավահանգիստներում։ Ականները կարող են անջատվել և շարժվել հոսանքի ուղղությամբ: Տարածքում գտնվող բոլոր նավերին խնդրում ենք վերահսկել ականների հոսքը և անհապաղ հայտնել դրանց ներկայության մասին»,- ասվում է գերատեսչության պաշտոնական կայքում։

Ավելի վաղ ռուսական կողմը հայտարարել էր, որ ուկրաինական ԶՈՒ-ի կողմից Սև ծովում տեղակայած ծովային ականները կարող են հասնել մինչև Մարմարա և Միջերկրական ծովեր: