Բանակը թույլ չի տա ապակայունացում Լիբանանում. Լիբանանի պաշտպանության նախարարություն

Լիբանանյան բանակը թույլ չի տա երկրում իրավիճակի ապակայունացման փորձեր. հայտարարել է Լիբանանի պաշտպանության նախարար Մուրիս Սլիմը՝ մեկնաբանելով Բեյրութում տեղի ունեցած արյունալի իրադարձությունները, երբ գնդակոծության են ենթարկվել խաղաղ ցույցի մասնակիցները:

Պաշտպանության նախարարին ուրբաթ ընդունել էր Լիբանանի նախագահ Միշել Աունը: Բաաբդա պալատում կայացած հանդիպման ժամանակ ընդգծվել է երկրի յոթ խաղաղ բնակիչների մահվան մեջ ներգրավված անձանց պատասխանատվության ենթարկելու կարեւորությունը:

Շիա «Ամալ» և «Հըզբոլլահ» շարժումների կողմնակիցների՝ նախօրեին Լիբանանի մայրաքաղաքում տեղի ունեցած ցույցի ժամանակ դիպուկահարը կրակ էր բացել: 7 մարդ էր զոհվել է, 32-ը՝ վիրավորվել:

Արդարադատության պալատի մոտ հավաքված ցուցարարները պահանջում էին դատավոր Թարիկ ալ Բիթարին հեռացնել Բեյրութի նավահանգստում պայթյունների գործի քննությունից: