Բայդենը՝ Լեռնային Ղարաբաղում տիրող իրավիճակի մասին

Դեմոկրատական կուսակցությունից ԱՄՆ նախագահի թեկնածու Ջո Բայդենը մտահոգություն է հայտնել Լեռնային Ղարաբաղում տիրող իրավիճակի կապակցությամբ ու կոչ է արել դադարեցնել կրակը. հայտնում է ՌԻԱ «Նովոստի»-ն:

Հայտարարությունում, մասնավորապես, ասվում է. «Ես խորապես մտահոգված եմ Լեռնային Ղարաբաղում բռնությամբ և Հայաստանի ու Ադրբեջանի միջեւ շտապ դեէսկալացիայի, հրադադարը վերականգնելու եւ բանակցությունները վերսկսելու կոչ եմ անում»։

Ըստ Բայդենի՝ ԱՄՆ-ը պետք է պնդի, որ շփման գծի երկայնքով դիտորդների թիվն ավելացվի, «Ռուսաստանին կոչ անի դադարեցնել երկու կողմերին զենքի ցինիկ մատակարարումը»: Բացի այդ՝ Վաշինգտոնը պետք է վերանայի իր օգնության ծրագրերը՝ համոզվելու համար, որ ոչ մի զենք չի կարող օգտագործվել հարձակողական նպատակներով:

«Բռնությունը Լեռնային Ղարաբաղում սպառնում է վերաճել ավելի մեծ տարածաշրջանային հակամարտության, ուստի տարածաշրջանի երրորդ կողմերը պետք է հեռու մնան հակամարտությունից, իսկ Մինսկի խմբի միջնորդները պետք է անհապաղ ձգտեն դեէսկալացիայի եւ բանակցություններին վերսկսման»,- հստակեցրել է քաղաքական գործիչը։