ԱՄԷ-ն միացել է Հայաստանին, Հունաստանին և Կիպրոսին՝ դեմ հանդես գալով ՄԱԿ-ի ԳԱ նախագահի պաշտոնին թուրք թեկնածուի առաջադրմանը

Արաբական Միացյալ Էմիրությունները միացել են Հայաստանին, Հունաստանին և Կիպրոսին, որոնք հունիսի 1-ին հանդես էին եկել հայտարարությամբ, որում դեմ էին Գլխավոր ասամբլեայի նախագահի պաշտոնին թուրք գործիչ Վոլքան Բոզքըրի թեկնածությանը։

ՄԱԿ-ում ԱՄԷ մշտական ներկայացուցիչ Լանա Նուսեիբան ՄԱԿ-ի Գլխավոր Ասամբլեային ուղղված նամակում նշել է, որ իր կառավարության անունից՝ հղում անելով Հայաստանի, Հունաստանի և Կիպրոսի կողմից ուղարկված նամակներին։շ

Լանա Նուսեիբան ՄԱԿ-ի Գլխավոր Ասամբլեային ուղղված նամակում նշել է, որ ի հավելումն Հայաստանի, Կիպրոսի և Հունաստանի բարձրացրած հարցերի, որոնք ԱՄԷ-ն ամբողջովին ընդունում և կիսում է, իր երկրի կառավարությունը, առանց խախտելու ընթացակարգը, ցանկանում է հայտնել իր մտահոգությունները, որ Թուրքիան շարունակաբար միջամտում է արաբական պետությունների ինքնիշխան հարաբերություններին, ինչը Արաբական Միացյալ Էմիրություններն անընդունելի է համարում։

Նամակում ԱՄԷ ներկայացուցիչն ընդգծում է Հունաստանի, Կիպրոսի ինքնիշխանության նկատմամբ թուրքական ոտնձգությունները, Լիբիայում  և Սիրիայում Թուրքիայի ապօրինի գործողությունները և այլն։

«Արաբական Միացյալ Էմիրությունները կիսում է Հայաստանի ու Կիպրոսի կողմից  արտահայտված լուրջ մտահոգությունները, որ վերաբերում է Օսմանյան կայսրությունում հայերի ցեղասպանությունը ժխտելու Թուրքիայի համառ քաղաքականությանը։ Այս ժառանգության լույսի ներքո և դրա շարունակական վնասակար հետևանքներից ելնելով՝ մենք անհանգստացած ենք Թուրքիայի կողմից կրոնական ծայրահեղականներին ընդունելուց և նրանով, թե ինչպես է Թուրքիան փորձում օգտագործել միջկրոնական ատելության հրահրումը՝ առաջ տանելու իր քաղաքական օրակարգը Եգիպտոսում, Լիբիայում և արաբական մի շարք այլ պետություններում»,- նշվում է նամակում: